සමහර බැඳීම්...

 

සමහර බැඳීම් තියෙනව

ඒවට..,

නාමයක් නෑ,

අර්ථකථනක් නෑ,

ආරම්භයක් නෑ,

අවසානයක් නෑ..

ඒ කිසිවක් නැති උනත්

ලෝකය පවතිනතාක්

නොනැසී පවතින..

ඒ වගේ බැඳීම්වලට වෙන්නැති

සංසාරගත බැඳීම් කියන්නෙ...

#TAZA

හේතුව නම් නුඹම ය...

නොගැලපෙන වන්නා වූ 

බැඳීම් තුල,

කාලයක් අතරමං වූ මිනිසුන්..

කෙමෙන් කෙමෙන් 

හුදකලාවට

පෙම් බැන්දෝය..

හුදකලාව තුල පවතිනු ලබන

මූසල හැඟීම් තුල

කාලයක් ගතවනතුරු ඔවුන්

ජීවත් වී..

තනිකමේ කර්කශක බව වටහාගත් වහා,

තමා ජීවිතය කරගත්තා වූද,

තමාගේ අදහස් ප්‍රතිමූර්ත කරන්නා වූද,

තමා තුලින් හටගන්නා වූද,

එක්තරා වූ ආත්මගත ප්‍රේමයකට,

අසීමිතව ප්‍රේම කරති..

එයිනුත්..

ඉතා අතලොස්සක්

තම ආත්මගත ප්‍රේමය 

සැබැවින්ම හිමිකර ගනිති..

ප්‍රේමිය,

මම ද ඒ අතලොස්සෙකි..

හේතුව නම් 

නුඹම ය...

#TAZA

මා සිත්තරාවිය...

ජීවිතය යනු

සිතුවමක් නම්,

මා ප්‍රේමවන්තිය

සිත්තරාවියකි..

මන්ද යත්..,

නිසියාකාර වර්ණ ගැලපුම් නැති වූත්,

නිසියාකාර තේමාවකින් හැඩ නොවූත්,

මා ජීවිතය

නම් වූ සිතුවම..,

නොගැලපෙනා වූ හැඩ මකාදමා

ගැලපෙන්නා වූ අවශ්‍යය හැඩ මතුකර

මනා වූ වර්ණ සංකලනය කර

සම්පූර්ණ කල හෙයිනි..

ප්‍රේමිය,

ඔබ නම්

සිත්තරාවියක්ම ය...

#TAZA